نشرت شقيقة المحامي الحقوقي المحبوس «محمد رمضان»، عبر صفحتها الشخصية بموقع التواصل الاجتماعي «فيس بوك»، رسالته الأولى من محبسه بالإسكندرية، بعد اعتقاله على ذمة قضايا الأرض تيران وصنافير والتحريض على التظاهر.
وقال رمضان في رسالته التي وجهها إلى «بيبرس» ابنه الصغير، إنه ليس مجرمًا، ولكنه تعرض للاعتقال لأنه «كان يحلم بوطن أفضل» بحسب الرسالة.
وجاءت الرسالة: «عزيزي بيبرس..معلهش إني مالحقتش اجيبلك لعبة سوبر مان اللي أنت طلبتها مني بس إن شاء الله اجيبهالك ممكن بعد أيام أو بعد سنين بيني وبينكً مش عارف مخبيين لأبوك ايه».
وأصاف: «أنا عرفت من أمك إنها قدمتلك في المدرسة وعرفت كمان إنها وهي بتقدم طلبوا حضوري وهي قالتلهم إني مسافر مع إني كان نفسي تقولهم إن جوزي مسجون، أنا بقى عايزك أنت لما تدخل المدرسة ويسألوك فين أبوك قوللهم (أبويا مسجون ) ولو سألوك مسجون ليه قولهم:
وأوضح: «علشان كان بيحلم ... بيحلم بوطن أفضل، قوللهم كمان أبويا مسجون عشان فقير وكان بينحاز للفقير ، وقوللهم إنه حاول يواجه بس الكلاب كانوا كتير ، وإن أبوك مش مجرم و‘ن المجرم هو اللي حبسه، كلمهم عن الثورة وازاي إن اللي خلقها شباب جميل عنيد بس ناقصهم شوية تنظيم وناقصهم يعرفوا إن نظام عبد الفتاح السيسي هو نظام الثورة المضادة وإنه نظام شرس لازم يتواجه بالتكتيك مش بالعواطف وإن المظاهرات مش هدف إنما هي وسيلة لتحقيق هدف نجاح الثورة ،كان فيه وسائل وأليات تانية كتير زي إننا نقسم نفسنا مجموعات تحرك قطاعات الشعب على الأضراب العام».
وتابع: «بس أوعدني ‘ن لو دة حصل إنك تكون أول واحد مشارك في الإضراب وتقول لأمك ‘نك مش نازل المدرسة يوم الإضراب
وختم رساالته قائلًا: «المهم إني مش هطول عليك خلي بالك من أمك واخواتك البنات وتبقى تروح تبص على جدتك باستمرار ،أنا عارف إنها محتاجالك أوي اليومين دول عشان أنت بتفكرها بـ «بابا» ..أبوك اللي بيحبك أوي».
No comments:
Post a Comment